అనకాపల్లి ,(ప్రజాముద్ర) డిసెంబర్ 10.సినీనటుడు మోహన్ బాబు ఇంట్లో జరుగుతున్న వివాదాలను కవర్ చేయడానికి వెళ్లిన మీడియా ప్రతినిధులపై మోహన్ బాబు దాడి చేయడాన్ని ఆంధ్రప్రదేశ్ వర్కింగ్ జర్నలిస్టుల ఫెడరేషన్ తీవ్రంగా ఖండించింది. తన కుటుంబంలో తలెత్తిన వివాదాన్ని పరిష్కరించుకోవడం కోసం పోలీస్ స్టేషన్ ను ఆశ్రయించిన నేపథ్యంలో కవరేజ్ కి వెళ్లిన జర్నలిస్టులపై మోహన్ బాబు భౌతిక దాడులకు దిగడం సరికాదని ఆంధ్రప్రదేశ్ వర్కింగ్ జర్నలిస్ట్స్ ఫెడరేషన్ అనకాపల్లి జిల్లా అధ్యక్షులు బి. వెంకటేష్, ప్రధాన కార్యదర్శి బి. ఈశ్వరరావు అన్నారు. ఇటువంటి చర్యలకు దిగిన మోహన్ బాబుపై తక్షణమే పోలీసులు తగు చర్యలు చేపట్టాలని డిమాండ్ చేశారు.
