లోక్ అదాలత్ తో సత్వరమే పరిష్కారం– జిల్లా న్యాయమూర్తి శ్రీవిద్య

అనకాపల్లి,(ప్రజాముద్ర) డిసెంబర్14:లోక్ అదాలత్ ను సద్వినియోగం చేసుకుంటే కక్షిదారులకు సత్వర న్యాయం జరిగే అవకాశం ఉంటుందని పదో అదనపు జిల్లా జడ్జ్ శ్రీవిద్య పేర్కొన్నారు. అనకాపల్లి కోర్టులో శనివారం మెగా లోక్ అదాలత్ ను నిర్వహించారు. ఈ సందర్భంగా ఆమె మాట్లాడుతూ చిన్నపాటి తగువులతో బంధువులు కోర్టులకు వెళ్లడంతో సమయంతో పాటు ఆర్థికంగా కూడా ఇబ్బందులు ఎదుర్కొనే సందర్భాలు ఎన్నో ఉన్నాయన్నారు. ప్రధానంగా ఆస్తుల విషయంలో కోర్టు మెట్లక్కి కాలాన్ని వృధా చేసుకుంటారని అన్నారు. అలాంటివారు సుప్రీంకోర్టు మార్గదర్శకాలు మేరకు నిర్వహిస్తున్న లోక్ అదాలత్ ను ఆశ్రయిస్తే సమస్యను సులువుగా పరిష్కరించుకోవచ్చని సూచించారు.సీనియర్ సివిల్ జడ్జ్ నాగేశ్వరరావు,
ప్రిన్సిపల్ జూనియర్ సివిల్ జడ్జ్ ధర్మారావు,, రెండవ అదనపు జూనియర్ సివిల్ జడ్జి విజయలక్ష్మి, అధ్యక్షులు ఎం జె వి ఎన్ కుమార్ సెక్రెటరీ దుర్గారావు తదితరులు అవగాహన కల్పించారు.కార్యక్రమంలో అధిక సంఖ్యలో కక్షిదారులు పాల్గొన్నారు